မိုးတို့ထစ်ချုန်း ရာသီနေမ၀င်မီ
တိမ်တောင်တို့ပေါက်ကွဲ အပိုင်းပိုင်းအစအစ
မြေလွှာထဲစူးဝင်ခဲ့---------------
အကာကွယ်မဲ့ မြက်ဝိဥာဉ်များ
လေလိူင်းပေါ်မှာ ဒန်းစီးနေတုန်း
လေပြင်းတချက် ဝေ့၀ိုက်
ကသုတ်ကရက် တိုက်ခတ်နေစဉ်မှာ
အမေ ချမ်းရှာလျော့မယ်-------------------
ဖြတ်သန်းခဲ့ အရောင်မဲ့လမ်းမပေါ်
မျှော်လင့်ချက်တို့ကျုံ့ဝင်နေ
ရိုက်ခတ်ဆဲ မုန်တိုင်းကြောင့်
တိမ်မဲတို့ မင်းမူချိန်
အမေ နေရောင်ခြည်နဲ့ဝေးခဲ့တာကြာလှပေါ့---------------
ဖြူစင်နှလုံးသားပိုင်ရှင် အမေ
သစ်စာတရားအပေါ်လျှောက်လှမ်းနေတဲ့-- အမေ
ဗြမ်မဇိုရ်တရား ရင်မှာပိုက်ထွေးထားတဲ---. အမေ
သားအကြိမ်ကြိမ် ဆုတောင်းနေမိ---------
နွေးထွေးတဲ့အရုဏ် ငြိမ်းချမ်းတဲ့ဆည်းဆာ
သာယာလှပတဲ့ ကောင်းကင်ပြာအောက်မှာ
အကြင်နာတွေဟာ အမေ့အတွက်ဖြစ်ပါစေ----------
No comments:
Post a Comment